

Chemicals (Maize) 										SESOTHO

							



Nahana pele o sebedisa dikhemikhale



Instructions: 

Folio strap: Taolo ya dikhemikhale

Byline: Corné Louw, Moikonomi temong: Tlhahiso/Disebediswa mobung, Grain SA 

Photos:	

Photo 1: Sena ke se etsahalang ha o fafatsa poone ka sebolayalehola pele e ba boemong ba ho fafatswa.

Photo 2: Etsa bonnete ba ho latela dinnete tsa motheo ha o sebedisa dibolayalehola.



Dikhemikhale tsa temo di ka bolaya dijothollo tsa hao bakeng sa ho di tshireletsa ha eba di sa sebediswe ho latela meedi e behilweng ya dikgothaletso le tlhokomelo e hlokahalang. Ka ho latela dinnete tsa motheo ha o reka kapa o sebedisa dikhemikhale, molemi a ka qoba tshenyo e kgolo dijothollong tsa hae.



Ha osebedisa dikhemikhale, hlokomela tse latelang:

Na moemedi ho tsa temo o ngodisitswe mabapi le sejothollo se itseng (mona Afrika Borwa) le ho sebetsana le lehola le itseng, bolele kapa tlhaselo?

Na mothamo o kgothaleditsweng wa khemikhale o sebediswa jwalo ka ha ho kgothaleditswe?

Na maemo a lehodimo nakong ya tshebediso le ka mora tshebediso a dumellana le maemo a kgothaleditsweng?

Na nako ya tshebediso e tshwana le nako e kgothaleditsweng, mohlala, mesong ya letsatsi kapa thapama haholo?

Na boemo ba masimo moo sejothollo se lengwang bo kgema mmoho le moralo wa ditlhoko, mohlala, mongobo wa mobu le mofuta wa mobu?

Na mehato ya taolo kgahlanong le tlhaselo e a sebediswa mehatong ya kgolo jwalo ka ha ho kgothaleditswe ditaelong tsa tshebediso?

Ditlamorao – na sesebediswa sa temo se ka ba le kotsi ya letho mabapi le mokgwa wa phapantsho ya dijothollo – ka mantswe a mang, dijothollong tse tla latela hamorao?

Na sesebediswa sa temo se ka tswakanngwa le tse ding – mohlala, sebolayalehola se itseng mmoho le tse ding le/kapa dibolayakokwanyana le dibolayabolele tse ding?



Ho fokotsa dikotsi tse amanang le tshebediso ya dikhemikhale, Grain SA e kgothaletsa balemi ho ela tse latelang hloko ha ba reka dikhemikhale:



Moemedi o tshwanetse ho tiisa hore khamphane eo a e emetseng ke setho sa CropLife SA;

Khamphane e abang thepa e tlamehile ho ba setho sa ACDASA;

Moemedi o tlamehile ho tiisa hore o fumane kwetliso e phethahetseng (e leng hore o atlehile hlahlobong ya AVCASA); le

Dikgothaletso di tlamehile ho ngolwa fatshe le ho saenwa ke moemedi.



Balemi ba boetse ba tshwanetse ho ela hloko hore ho fafatsa ka thoko ho ka nna ha etsahala nakong ya tshebediso ya dikhemikhale, haholoholo ha ho fafatswa, mme sena se tshwanetse ho qojwa haholo. Tshenyo e kgolo e ka ba teng ha eba dikhemikhale tsena di dula/wela masimong a haufi, a dijothollo tse boi.



Paballo ya dijo e bohlokwa ka ho fetisisa. Ka ho sebedisa dikhemikhale ka nepo le ho boloka direkoto tsa tshebediso ya tsona, balemi ba tla be ba hlotse ditaba tse mpehadi mabapi le paballo ya dijo.

